Música tamén para reflexionar sobre a igualdade de oportunidades. Esta semana, como non podía ser doutra maneira, traballamos sobre as desigualdades de xénero. A música pon voz á loita das mulleres por reclamar un espazo igualitario. Neste caso, WÖYZA axudounos a descubrir esas pequenas loitas cotiás e porlle melodía para transmitilas ao mundo.
VIGO, 5 MARZO 2021
Este mércores, a Fundacion Erguete-Integracion convidou ao alumnado de Bro´s a visitar o seu programa “Calor e café” na rúa Jacinto Benavente, en Vigo. O seu labor é ofrecer alimentación básica para persoas en situación de emerxencia social e vincular a estas persoas cos servizos de saúde e cos recursos sociais.
As mozas e mozos do proxecto Bros recibiran previamente unha sesión de prevención impartida por técnicos da Fundación Érguete Integración. Nesta ocasión, foron eles quen se desprazaron para participar nun proxecto de Érguete e puideron axudar a repartir café, bocadillos e froita.
Esta experiencia enmárcase na metodoloxía de Aprendizaxe-Servizo (ApS), que a Asociación Diversidades ven aplicando durante os últimos anos e que recibe un impulso grazas ao programa ApS de Red Acoge.
O programa “Calor e Café” supuxo unha oportunidade para reflexionar sobre as desigualdades sociais e o valor da solidariedade: “Encantounos a experiencia e esperamos repetir pronto!“
Vigo, 19 de outubro 2020
O alumando de BROS, despois de traballar na aula sobre o Día Mundial contra o Cancro de Mama, acudiu á Farola (intersección de Príncipe con Colón e Urzáiz), onde a AECC Pontevedra instalou un pequeno posto de información e concienciación sobre esta cuestión. Alí, cos carteis realizados co lema deste ano, “Saca peito por elas”, fixéronse fotos e tiveron a oportunidad de falar co voluntariado e persoas afectadas por esta doenza. Quedamos moi agradecidas a esta institución que nos deu información e que desenvolve un labor tan importante para a nosa sociedade.
Vigo, 11 decembro 2019
Onte, 10 de decembro, Día Internacional dos Dereitos Humanos, o noso grupo de Bros visitou o Fogar San Rafael.
Poidemos coñecer de primeira man esta interesantísima experiencia de inclusión social pensada nas persoas con discapacidade intelectual e realizada con paixón e profesionalidade.
Agradecemos á súa directora, Mercedes, e á traballadora social Patricia Torrado a oportunidade que nos deron e pola súa hospitalidade. E queremos facelo coas palabras é a sensibilidade das mozas e mozos que fan Bros cada día:
O martes 10 estivemos de visita no Centro San Rafael de Vigo. Estamos moi agradecidos a Mercedes, directora, e Patricia, traballadora social, pola excelente presentación que nos fixeron das distintas áreas do centro e, sobre todo, a todas as persoas integrantes que nos recibiron cos brazos abertos e grandes sorrisos.
O grupo Bros de Diversidades aprendeu a aprender que a inclusión e a diversidade están en cada un de nós, e con eles construímos o día a día dunha vida. Unha imaxe vale máis que mil palabras, e quedámonos co agarimo recibido, a alegría que nos contaxiaron, a motivación e a capacidade de superación que nos demostraron; no noso corazón temos claro que queremos volver e que queremos que todos os cidadáns de Vigo descubran a maxia que existe en todo o persoal e usuarios de San Rafael.
Novamente, o mundo do ensino da cidade de Vigo volveu mobilizarse para crear conciencia sobre as diversas formas de violencia contra as mulleres, a instancias do Consello Municipal da Muller e a Concellería de Igualdade.
Este ano baixo o lema “MicroMachismos” abordáronse situacións da vida cotiá que están completamente aceptadas e normalizadas, pero que reflicten unha fonda discriminación contra as mulleres. As mozas e mozos participantes no Proxecto Bros, enviaron unha proposta sobre manspreading e achegáronse ao Pavillón das Travesas na mañá do venres 23 de novembro para participar no acto central da convocatoria municipal de Enlaza Vigo contra a Violencia de Xénero.
Matosinhos, 8 de xuño de 2018
A Rede Europea de Escolas de Segunda Oportunidade celebrou esta semana o seu encontro de mocidade (Youth Meeting) e a súa Asemblea anual en Matosinhos, Portugal.
94 persoas, 62 mozas e mozos e 32 profesoras e profesores, pertencentes a 16 escolas e organizacións diferentes de 8 países poidemos disfrutar da excepcional acollida que nos ofreceu a Escola de Segunda Oportunidade de Matosinhos co apoio incondicional da Câmara Municipal de Matosinhos.
Foron tres días intensos, entre o 5 e o 7 de xuño, co que o acto central foi a Conferencia Internacional sobre Escolas de segunda oportunidade, coa participación de Édith Cresson, fundadora do movemento de Escolas de Segunda Oportunidade, das redes Europea, francesa e española e de destacados especialistas do ámbito académico e da sociedade civil portuguesa.
Pero o momento máis importante e emotivo foi o espectáculo final realizado no auditorio público da cidade, con participación de absolutamente todas as persoas presentes no encontro coas máis variadas manifestacións artísticas.
Unha experiencia de convivencia e de aprendizaxe para repetir e para ter en conta durante todo o ano.
O pasado venres, 13 de abril, o alumnado do curso de Operacións Auxiliares de Comercio realizou a primeira saída didáctica, para coñecer in situ as técnicas de comercialización, vendo exemplos prácticos do contido máis conceptual do curso. A profesora Patricia Blanco acompañou ao grupo polas tendas máis emblemáticas do centro da cidade para poder ver a aplicación concreta das técnicas que presenta en clase.
O grupo manifestou a súa satisfacción coa experiencia, desexando volver a repetila durante as próximas semanas, para continuar afondando nas técnicas de venta.
