Category Archives: Categorías

  • -

Obradoiros de diversidade cultural no IES Mugardos

O IES Mugardos foi hoxe o anfitrión duns obradoiros de interculturalidade que teñen por finalidade realizar un achegamento á cultura e á realidade xitana na nosa terra, partindo da experiencia cultural de cada quen, da valorización da propia experiencia como base para a valorización da experiencia allea. Os obradoiros desta mañá serviron tamén para traballar a empatía, a asertividade e a escoita activa, habilidades sociais imprescindibles para a convivencia e para o desenvolvemento persoal. Participou o alumnado de 1º e 2º da ESO, en dinámicas que tiñan como base os textos de Eduardo Galeano (El mundo patas arriba) e unha pintada nun muro dunha cidade, que nos lembra a interdependencia entre países e culturas na nosa vida cotiá.

Estes obradoiros terán continuidade o vindeiro 8 de abril, Día Internacional do Pobo Xitano, en que completaremos a xeira con estudantes de 3º de ESO e PCPI. Os obradoiros inclúen, ademais, unha sesión co profesorado en que traballaremos a continuidade da abordaxe da convivencia coa diversidade cultural.


  • -

  • -

Diversidade cultural no curso de Lingua Española

ImaxeUn numeroso grupo de mulleres participa desde o pasado 22 de outubro no curso de lingua española para estranxeiros organizado pola Asociación Diversidades. O Curso realízase de luns a xoves na sede da asociación en horario de 16:00 a 18:00.

Concibido inicialmente pensando na poboación romanesa da cidade de Vigo, o grupo que acabou realizando o curso de Español para estranxeiros foi bastante máis plural na súa configuración, incluíndo persoas de Senegal, Rusia, Ucraína, Brasil, Corea e, por suposto, Romanía.

O curso desenvolve temas da vida cotiá, pensados para a interacción social nos medios máis habituais, nomeadamente aqueles en que as persoas en risco de exclusión procuran alternativas para unha vida máis plena.
Aínda que se traballaron tamén cuestións de comprensión e expresión escrita, especialmente pensadas para aquelas participantes que teñen un maior nivel de lectoescritura na súa lingua natal, o curso está pensado para desenvolver as habilidades de comprensión e expresión oral, determinantes no día a día de calquera persoa.
O curso está constituíndo, ademais, un excelente momento de encontro entre persoas de diferentes culturas que practican, xunto coa lingua, a tolerancia, a convivencia e a construcción dunha sociedade intercultural.

  • -

Expectativa arredor do Curso de Comercio

Category : Categorías , Inclusión

O curso de comercio da Asociación Diversidades desenvolve o nivel 1 do certificado de profesionalidade de auxiliar de Dependente, da familia profesional de Comercio. Como noutras ocasións, a docencia de Elisa Martínez Zúñiga céntrase no desenvolvemento das habilidades sociais para a prestación de servizos. Este enfoque de adestramento de competencias persoais permite a participación de persoas de moi diferentes procedencias, ofrecendo niveis de mellora apropiados á experiencia previa de cada quen. Ademais, pretende ofrecer unha visión práctica dos contidos do Certificado de Profesionalidade.

A expectativa céntrase na actualidade na posibilidade de realizar prácticas non laborais no período do Nadal e as rebaixas de xaneiro, de forma que se complete a formación no posto de traballo.
As próximas semanas resultarán determinantes para poder concretar ese horizonte formativo que anceian os participantes e que é un obxectivo declarado da Asociación Diversidades no enfoque deste curso.

  • -

Gran afluencia de participantes no Curso de Competencias – Clave

Category : Categorías , Inclusión

Curso de Competencias - Clave

O curso de Competencias Clave, que comezou o pasado 28 de outubro, e durará ata o 14 de decembro, comezou cunha alta participación e unha forte inquedanza a nivel comunitario, sendo moitas as entidades que enviaron persoas ao mesmo. O curso pretende capacitar aos participantes para poder acudir ás probas de Competencias – Clave, no momento en que sexan convocatas, e poder superar con éxito as materias de Lengua Española, Matemáticas e Sociais, ademais de realizar unha introdución á competencia dixital.


  • -

O Leonardo Mobility Project, de novo en Faro de Vigo

Category : Categorías , Convivencia

Leonardo Mobility Project

De novo o Faro de Vigo volve facerse eco da formación realizada entre a Asociación Diversidades e Dual Smart de Brasov, Rumanía, no marco do Programa Leonardo de Mobilidade da Axencia nacional do programa Leonardo de Rumanía. Esta vez o énfase recae nos programas de mobilidade, máis alá do máis coñecido, o Erasmus.


  • -

Reportaxe de V Televisión

Category : Categorías , Convivencia

V Televisión emitiu hoxe a reportaxe sobre o programa Leonardo de Mobilidade:
http://www.vtelevision.es/informativosv/2013/10/15/0031_26_190897.htm 

  • -

Leonardo Mobility Project tamén en Faro de Vigo

Category : Categorías , Convivencia

Tamén Faro de Vigo recolle a nova da visita a FOANPAS dentro do programa formativo do Proxecto de Mobilidade de S.C. DUAL SMART S.R.L, de Brasov, Rumanía. Destaca o modelo de mediación promovido polas Asociacións de Nais e Pais en Vigo como un modelo a seguir no desenvolvemento de novos proxectos e servizos en Rumanía.

  • -

Atlántico Diario faise eco do Programa de Mobilidade

Category : Categorías , Convivencia

Atlántico Diario faise eco hoxe da visita a FOANPAS promovida pola Asociación Diversidades no marco do Programa Leonardo da Vinci de Mobilidade, da Axencia Nacional do Programa Leonardo en Rumanía e xestionada por Dual Smart de Brasov.


  • -

Un grupo de estudantes rumanos participan nun intercambio con Diversidades

Category : Categorías , Convivencia

A Asociación Diversidades, recibe este mes de outubro un grupo de estudantes do ámbito do Traballo Social e, especificamente, da mediación intercultural. Procedente de Brasov, en Rumanía, o grupo está integrado por seis persoas, cinco mulleres (das que catro son xitanas) e un home. A organización promotora do intercambio é S.C. DUAL SMART S.R.L., de Brasov.