Category Archives: Conecta-Cultura

Mozas de diferentes culturas convivindo

Nenos abrazándose

Presentación do proxecto NEELI

Seminario de presentación do proxecto NEELI (Non-formal education & e-learning for inclusion) Erasmus +

A Asociación Diversidades, entidade membro de RED ACOGE, realizará unha actividade de difusión e presentación dos resultados do proxecto NEELI (Non-formal education & e-learning for inclusion) enmarcado no programa Erasmus + o próximo 6 de setembro, xoves. O evento terá lugar nas instalación da Escola Galega de Administración Pública (EGAP) a partir das 9.30 horas.

O NEELI é un proxecto de educación non formal para á inclusión social. Céntrase na aprendizaxe intercultural, abordando temas como:

  • Cultura, identidade e interculturalidade
  • A educación intercultural das mozas e mozos migrantes
  • Comunicación intercultural e manexo de conflitos
  • Empoderamento da xente nova migrante
  • Participación democrática da mociadade migrante
  • Acceso ao Mercado de traballo das mozas e mozos migrantes

O material de aprendizaxe está deseñado e recomendado para xoves traballadores, mentores e educadores que traballan co xente nova con antecedentes migratorios e que están abertos a utilizar métodos de aprendizaxe non formal.

O interese da Asociación Diversidades é incorporar esta aprendizaxe ao programa de Conecta Cultura, un programa deseñado para a formación intercultural na aula dentro do Plan Proxecta da Consellería de Educación, co financiamento e apoio organizativo da Consellería de Política Social.

Graduación dunha muller musulmana

A diversidade é unha das forzas de Europa, pero podemos observar e sentir unha discriminación aberta ou encuberta a nivel social, nivel cultural e económico. O racismo e a xenofobia están entre as formas máis xeneralizadas de discriminación que experimentan as persoas debido á súa orixe, cultura, lingua, ou estilo de vida. Hoxe en día -debido a situacións de orde político, económico e social a nivel mundial- a migración é unha das cuestións máis importantes dentro do EU e no mundo, e afrontamos cada día situacións e desafíos en conexión coa interculturalidade. A día de hoxe é esencial non só mellorar as nosas competencias interculturais e a nosa sensibilidade, senón tamén desenvolver boas prácticas e métodos que poidan axudar a entender, tolerar, aceptar ao outro e apoiar a integración social, educativa de nenos e nenas e da xente nova procedentes de minorías ou con antecedentes migratorios.


Exposición Enlaza Vigo

Category : Conecta-Cultura

BROS contra a violencia de xénero

O cartel dos rapaces do Proxecto Bros, da Asociación Diversidades

Xa está na rúa do Príncipe en Vigo a exposición Enlaza Vigo contra as Violencias de Xénero.

Vigo. 17/11/2017. Diferentes centros educativos da cidade, tanto de educación formal como non formal, reflexionan colectivamente, crean conxuntamente e expoñen publicamente as súas reflexións para avanzar como sociedade fronte ás violencias de xénero.

Este ano a reflexión xirou arredor das redes sociais como forma de difusión da violencia, pero tamén como ferramenta de cambio e de convivencia.

O pase de diapositivas require JavaScript.



Nadal no CPI Paradai

Unha achega do proxecto Conecta – Cultura

A dirección do CEIP Paradai de Lugo e a AMPA do CEIP Paradai solicitou que participasemos nun encontro con nais e pais para fomentar a convivencia intercultural.
Velaí a nosa achega: