Category Archives: Inclusión

O Programa de Retorno Voluntario en Faro de Vigo

Reportaxe de Vigo x 4 Costados

Vigo. 15 outubro 2019. Hoxe en Vigo x 4 Costados, o Faro de Vigo faise eco do noso traballo a respecto do Retorno Voluntario, no marco do Programa Retorno a mi país de Red Acoge.

MITRAMISS

Por unha sanidade universal

Un ano despois do Real Decreto-Lei 7/2018

A Asociación Diversidades Acolle, como membro da federación Red Acoge, participa activamente en REDER para mellorar o acceso á saúde da poboación inmigrante. Co gallo do aniversario do Real Decreto-Lei 7/2018 consideramos oportuno compartir este manifesto:

31/07/2019. – Hoxe cúmprese xusto un ano desde a entrada en vigor do Real Decreto-Lei 7/2018 de 27 de xullo, sobre acceso universal ao Sistema Nacional de Saúde. Tras máis de seis anos de loita contra a exclusión sanitaria, inxusta e inxustificada, as organizacións da sociedade civil demos a benvida ao anuncio da entón Ministra Carmen Montón de recuperar o dereito á saúde como núcleo esencial do sistema sanitario e garantir este dereito a todas as persoas para que ninguén quede atrás. Lamentablemente, a realidade 365 días despois dista moito de parecerse a aquela declaración de intencións.

Desde o mesmo momento en que o Ministerio nos trasladou o primeiro borrador do novo Real Decreto-Lei, as organizacións hoxe aquí presentes alertamos que o texto era excesivamente ambiguo, non abordaba algunha das situacións de exclusión máis graves e mesmo abría a porta á desprotección das persoas en situación de maior vulnerabilidade. Por desgraza, as nosas advertencias caeron en saco roto, e o Goberno optou por aprobar unha lexislación insuficiente que non serviu para derrubar o muro da exclusión sanitaria. Hoxe, un ano despois estamos aquí para facer visible e denunciar que en España segue vulnerándose o dereito á saúde de moitas persoas.

Estamos ante a evidencia dunha situación de vulneración do dereito á saúde que aínda non foi resolta. Desde a entrada en vigor do RDL 7/2018, tivemos constancia polo menos de 1.358 casos entre os que se contan 55 mulleres embarazadas; 116 menores de idade, 44 solicitantes de asilo, 85 facturacións en urxencias, 35 persoas reagrupadas ou 626 persoas que non puideron ver recoñecido o seu dereito como consecuencia das barreiras administrativas existentes. Así mesmo, e como resultado destas exclusións, non foron debidamente atendidas enfermidades tan graves como 23 casos de cancro, 22 casos de enfermidades cardiovasculares, 24 casos de diabetes, 21 casos de hipertensión, 12 casos de VIH ou 14 casos de saúde mental grave. As cifras resultan elocuentes: non se trata de casos illados, senón dunha profunda falla do sistema que urxe corrixir.

As organizacións lamentamos que desde o Ministerio se ignoraron repetidamente as suxestións e recomendacións que de forma reiterada trasladamos desde a sociedade civil. Como consecuencia, miles de persoas seguen sen poder acceder aos servizos básicos de saúde, e por tanto seguen sufrindo exclusión sanitaria no noso país. Por iso, debemos lembrar unha vez máis ao Goberno os compromisos adquiridos en virtude dos acordos internacionais sobre Dereitos Humanos, en particular as Recomendacións emitidas polo Comité de Dereitos Económicos Sociais e Culturais ao Goberno español en abril de 2018 que instan a adoptar as medidas necesarias para que as persoas migrantes teñan acceso aos servizos de saúde sen discriminación algunha.

É por tanto urxente e necesaria unha regulación integral e garantista, que sitúe no centro o dereito á saúde, e garanta o acceso ao sistema sanitario con cargo a fondos públicos e en condición de igualdade a todas as persoas que viven en España, sen distinción de ningún tipo. Só así poderemos chamar ao noso Sistema Nacional de Saúde universal, facendo realidade a intención manifestada polo Ministerio hai un ano. É hora de derrubar o muro da exclusión sanitaria dunha vez por todas.


Reunión FOANPAS-Diversidades Acolle

FOANPAS e Diversidades Acolle comparten proxectos educativos

Vigo, 27 de setembro de 2018

Reunión FOANPAS-Diversidades Acolle

Este mediodía tivo lugar unha reunión entre a Federación Olívica de ANPAS – FOANPAS e a Asociación Diversidades Acolle para compartir as inquedanzas mutuas arredor da educación inclusiva e intercultural.

Na xuntanza estiveron presentes Bertila e Chus por parte de FOANPAS e Belén e Laura por Diversidades.

Dentro das novidades presentadas está o proxecto ALL IN, no marco do programa Erasmus+, para a inclusión social de todas as persoas vulnerables, o produto final do Proxecto NEELI para a adquisición de competencias interculturais no marco da educación non formal. Tamén existe a posibilidade de incorporar esta formación á eduación formal mediante o programa Conecta Cultura.

Tratouse tamén sobre os proxectos de mediación entre iguais e de Escolas de Familias.


Nenos abrazándose

Presentación do proxecto NEELI

Seminario de presentación do proxecto NEELI (Non-formal education & e-learning for inclusion) Erasmus +

A Asociación Diversidades, entidade membro de RED ACOGE, realizará unha actividade de difusión e presentación dos resultados do proxecto NEELI (Non-formal education & e-learning for inclusion) enmarcado no programa Erasmus + o próximo 6 de setembro, xoves. O evento terá lugar nas instalación da Escola Galega de Administración Pública (EGAP) a partir das 9.30 horas.

O NEELI é un proxecto de educación non formal para á inclusión social. Céntrase na aprendizaxe intercultural, abordando temas como:

  • Cultura, identidade e interculturalidade
  • A educación intercultural das mozas e mozos migrantes
  • Comunicación intercultural e manexo de conflitos
  • Empoderamento da xente nova migrante
  • Participación democrática da mociadade migrante
  • Acceso ao Mercado de traballo das mozas e mozos migrantes

O material de aprendizaxe está deseñado e recomendado para xoves traballadores, mentores e educadores que traballan co xente nova con antecedentes migratorios e que están abertos a utilizar métodos de aprendizaxe non formal.

O interese da Asociación Diversidades é incorporar esta aprendizaxe ao programa de Conecta Cultura, un programa deseñado para a formación intercultural na aula dentro do Plan Proxecta da Consellería de Educación, co financiamento e apoio organizativo da Consellería de Política Social.

Graduación dunha muller musulmana

A diversidade é unha das forzas de Europa, pero podemos observar e sentir unha discriminación aberta ou encuberta a nivel social, nivel cultural e económico. O racismo e a xenofobia están entre as formas máis xeneralizadas de discriminación que experimentan as persoas debido á súa orixe, cultura, lingua, ou estilo de vida. Hoxe en día -debido a situacións de orde político, económico e social a nivel mundial- a migración é unha das cuestións máis importantes dentro do EU e no mundo, e afrontamos cada día situacións e desafíos en conexión coa interculturalidade. A día de hoxe é esencial non só mellorar as nosas competencias interculturais e a nosa sensibilidade, senón tamén desenvolver boas prácticas e métodos que poidan axudar a entender, tolerar, aceptar ao outro e apoiar a integración social, educativa de nenos e nenas e da xente nova procedentes de minorías ou con antecedentes migratorios.


O Director Xeral de Inclusión visita Diversidades Acolle

Vigo, 26 de xaneiro 2018

O Director Xeral de Inclusión, Arturo Parrado, visita os proxectos de Inclusión Social da Asociación Diversidades Acolle

Arturo Parrado, Director Xeral de Inclusión Social

O Director Xeral de Inclusión Social da Consellería de Política Social , Arturo Parrado, acompañado polo Delegado da Xunta en Vigo, Ignacio López-Chaves e pola Xefa Territorial, Marta Iglesias Bueno, achegáronse esta mañá á sede Diversidades Acolle para interesarse polos proxectos da nosa Asociación, especialmente por aqueles que son financiados directamente a través da Orde de Inclusión Social. Puideron coñecer e saudar persoalmente aos participantes no proxecto BROS, ao alumnos do curso de Introdución á Sociedade de Acollida, así como comprobar de primeira man os resultados de inserción laboral e de regularización administrativa dos participantes nos itinerarios individualizados en nas accións de mediación.

No encontro estiveron presentes unha representación do voluntariado da Asociación e tamén a maior parte dos profesionais que integramos o equipo técnico, escusando a súa asistencia a nosa presidenta, Amparo Ramilo, por motivos laborais.

“Read More”

Finaliza el Curso de Sociedad de Acogida

El pasado 30 de Noviembre finalizó con éxitos el Curso de Sociedad de Acogida. Esta edición se caracterizó por el carisma de los/as participantes, por su disposición de aprender y su constante curiosidad y sobre todo la cohesión grupal que se generó entre los/as alumnos/as.  Gracias a cada uno/a de vosotros/a por hacer que nuestra labor tenga sentido y por permitirnos veros crecer como personas. Gracias a Miriam Cornejo, una profesora con vocación y espíritu de entrega.

El próximo Enero abriremos una nueva edición de Sociedad de Acogida.


17 de outubro Día Internacional contra a pobreza

Vigo. 17 de outubro

A pobreza afecta en España ao 22,3% das persoas que viven no noso país, segundo os últimos datos proporcionados polo INE sobre condicións de vida. Con todo, non afecta a todos os colectivos por igual. No caso dos estranxeiros comunitarios que viven en España máis do 40% vive en situación ou risco de pobreza cifra que aumenta no caso dos estranxeiros non comunitarios que sobe ata o 52%. O que equivale a que case una de cada dúas persoas inmigrantes procedentes de países non comunitarios está en risco de pobreza e/ou exclusión social en España.
A Asociación Diversidades Acolle, membro de Red Acoge, traballa con persoas inmigrantes e refuxiadas en risco de exclusión social e leva 26 anos defendendo os seus dereitos e traballando para que as persoas inmigrantes poidan acceder a unha inclusión real e poidan saír da pobreza. Debemos puntualizar que cando falamos de pobreza non debemos limitar o termo a unha cuestión meramente económica, senón ampliar a visión e entendela como a imposibilidade de cubrir as necesidades básicas para vivir con dignidade.
Pobreza LOS VULNERABLES ENTRE LOS VULNERABLES_


Unha excelente exposición e investigación sobre o abandono escolar prematuro e relacions familiares.

E por fin chegou o tan anhelado día!. Aquela nosa primeira alumna de prácticas de Socioloxía,  que un día entrou  pola porta para compartir connosco varios meses de traballo e aprendizaxe en común, cumpría o venres o desexo de rematar a súa carreira coa presentación do Traballo de Fin de Grao. Case como se non puidese ser doutro xeito, Antía abordou o tema do fracaso escolar temperán, explorando nos valores educativos , nas circunstancias propias destes rapaces e rapazas, nas súas realidades familiares a as percepcións que estas nais e fillos ou fillas teñen das actuacións do sistema educativo a respecto desta cuestión. Rematou a súa presentación coa felicitación das profesoras membros do Tribunal, que incidiron na pertinencia do tema tratado ( que non por máis coñecido estivese máis estudiado) e a súa abordaxe, e animárona a unha profundizaxe maior , que botase máis luz sobre este tema de ( tristemente) tan rabiosa actualidade. Parabéns Antía, e a seguir na brecha !!!!


Benvidas á vosa nova casa!

Desde o día 5 de setembro está plenamente operativa a nova oficina da Asociación Diversidades, situada en Avda García Barbón 36, 3º, Oficina 1 (fronte a Radio Nacional, na mesma entrada que a Seguridade Social).
Conservamos o mesmo número de teléfono: 886117990.
Desde o día 31 de agosto xa non conservamos a nosa sede de R/ Velázquez Moreno 9, oficina 313.
Con este cambio pretendemos dar mellores servizos para as persoas, contando con tres despachos de entrevistas e un aula de formación.



Antía finaliza as súas prácticas

Fin-practicas-AntiaEste xoves, 31 de marzo, finalizou as súas prácticas do grao en Socioloxía a nosa compañeira Antía Barros. Durante estes dous meses, Antía contribuíu á creación de coñecemento social arredor das problemáticas dos adolescentes inmigrantes, especialmente os romaneses, na cidade de Vigo, colaborou activamente no desenvolvemento das actividades de sensibilización do proxecto Pregatirea Maine, achegouse ás problemáticas das mulleres inmigrantes, de persoas en situación de desemprego de longa duración e ás diferentes cuestións vinculadas coa residencia e o acceso á nacionalidade das persoas estranxeiras. Tamén realizou un importante achegamento á situación social e educativa da comunidade xitana en Galicia.

Agradecemos fondamente a Antía a súa ilusión polo traballo e a súa profesionalidade e desexamos contar coa súa colaboración activa para o futuro.