Category Archives: Interculturalidade

  • -

Unha vida mellor

Intervención de Belén Arranz nas Xornadas de Inmigración e Integración do ESOMI – Universidade da Coruña

O pasado martes, 2 de maio de 2017, a nosa compañeira Belén Arranz realizou unha intervención nas Xornadas de Inmigración e Integración do ESOMI, na Universidade da Coruña. Pódese consultar o programa completo aquí.

A intervención resume tanto a investigación sobre as dinámicas migratorias dos grupos familiares extensos procedentes de Romanía, pertencentes ás minorías étnicas xitanas, como os longos anos de experiencia na intervención social directa con esta poboación.


  • -

Festa intercultural contra o racismo


  • -
Nikolai

Nikolai

Hoxe, logo de 25 anos negándoselle os dereitos humanos máis básicos, Nikolai, cidadán do mundo, ten un documento que recoñece a súa personalidade. E comeza a ter dereito a residir onde el elixa, con liberdade, sen ser perseguido por iso.

Hoxe foi un día feliz para Nikolai.

Para a Asociación Diversidades, hoxe foi un día grande.


Da Declaración Universal de Dereitos Humanos:

Artigo 6ª.

Todo ser humano ten dereito, en tódalas partes, ó recoñecemento da súa persoalidade.

Artigo 13ª.

  1. Toda persoa ten dereito a circular libremente e a elixir a súa residencia no territorio dun estado.
  2. Toda persoa ten dereito a saír de calquera país, incluso do propio, e a voltar ó seu país.

Artigo 14ª.

  1. En caso de persecución, toda persoa ten dereito a buscar asilo, e a disfrutar del, en calquera país.
  2. Este dereito non poderá ser invocado contra unha acción xudicial realmente orixinada por delictos comúns ou por actos opostos ós propósitos e principios das Nacións Unidas.

Artigo 15ª.

  1. Toda persoa ten dereito a unha nacionalidade.
  2. Ninguín será privado arbitrariamente da súa nacionalidade nin do dereito a cambiar de nacionalidade.

Esta acción foi posible grazas ao apoio da Xunta de Galicia e o Fondo Social Europeo.


  • -

Presentación do curso Introducción á Sociedade de Acollida

Vigo, 16/09/2016

Onte tivo lugar a presentación do Curso Introducción á Sociedade de Acollida, na sede da Asociación Diversidades.

Un grupo de dezaoito persoas de 8 nacionalidades diferentes participa nesta acción formativa que comeza o luns 19 de setembro e remata o 25 de novembro.

img_0613 img_0614 img_0617 img_0618 img_0619 img_0621

 logo FSE  politica-social  galicia  cropped-Diversidades-Logo.png

  • -

Benvidas á vosa nova casa!

Desde o día 5 de setembro está plenamente operativa a nova oficina da Asociación Diversidades, situada en Avda García Barbón 36, 3º, Oficina 1 (fronte a Radio Nacional, na mesma entrada que a Seguridade Social).
Conservamos o mesmo número de teléfono: 886117990.
Desde o día 31 de agosto xa non conservamos a nosa sede de R/ Velázquez Moreno 9, oficina 313.
Con este cambio pretendemos dar mellores servizos para as persoas, contando con tres despachos de entrevistas e un aula de formación.



  • -

8 de abril: a discriminación é falta de Educación

Compartimos o vídeo da Rede Europea contra a Pobreza en Portugal.

Por unha Europa sen Discriminación. Por unha participación social plena da comunidade xitana!

Opre Romá!


  • -

Finaliza o curso de Formación sobre Introducción á Sociedade de Acollida

IMG_0822

Rematou hoxe, 17 de marzo de 2016, o curso de formación sobre Introducción á Socieade de Acollida que a Asociación Diversidades realizou nos locais da Parroquia do Sagrado Corazón, financiado pola Xunta de Galicia e cofinanciado parcialmente polo Fondo Social Europeo.

Era a primeira vez que a Asociación Diversidades promovía esta formación e o resultado é moi satisfactorio. O curso tivo unha gran difusión por boa parte da rede que traballa con persoas inmigrantes en Vigo e na súa bisbarra. Os participantes quedaron moi satisfeitos e o ambiente do curso foi dunha gran fluidez nos contidos e nas relacións entre persoas e culturas.

Desexamos moita sorte a quen van utilizar esta formación como base para a realización das probas de nacionalidade!


  • -

CHARLA SENSIBILIZACIÓN NO IES MARÍA SOLIÑO

24891511400_d6d31113e3_zO pasado 16 de febreiro tivemos o pracer de poder impartir unha charla de sensibilización no instituto María Soliño (Cangas).
Estas charlas están desenvolvidas no marco do noso proxecto Pregatirea Maine, onde o principal obxectivo do acto era conseguir que os alumnos entendesen a inmigración desde outro punto de vista, tentar que empatizaran coas persoas que buscan unha vida mellor noutro país e as dificultades que pasan para integrarse nunha nova cultura, e ao mesmo tempo, facerlles comprender dunha maneira práctica, que as etiquetas impostas ás persoas estranxeiras dificultan a súa inserción social, e que eles poden  participar no cambio desta situación.

A charla foi realizada polo noso compañeiro Hafdallah, un psicólogo saharauí, que conta cunha gran capacidade para tratar con rapaces.
Tras facer unha introdución sobre os aspectos básicos que implica a inmigración, realizou un xogo de rol “A discoetiqueta”, que consistía en etiquetar a oito alumnos e facer que entre eles se tratasen segundo a súa etiqueta nun ambiente de discoteca. Nalgúns casos as etiquetas eran positivas, como “abrázame”, e noutros casos eran negativas, como “expúlsame do grupo”, “insúltame”. Neste xogo a intención era facer comprender aos alumnos, que a forma que temos de etiquetar ás persoas en base a prexuízos poden facer dano a aqueles que se lle impoñen esas etiquetas, e que antes de etiquetar debemos pensar en como sentirá esa persoa cando nos relacionemos con ela desa maneira. E para finalizar contoulles a súa historia de vida, unha historia realmente impactante, non só pola parte máis dramática da situación que viviu, senón tamén pola capacidade de resiliencia que tivo ao longo da súa vida.

O desenvolvemento da charla fixo que a medida que avanzaba, os alumnos fosen empatizando progresivamente co colectivo inmigrante, sendo o final da charla o máis emotivo, probablemente pola historia de vida contada en primeira persoa por Hafdallah.


  • -

Inauguración da Igrexa Evanxélica Romanesa

Este venres 12 de febreiro participamos na inauguración da Igrexa Evanxélica que promove a comunidade romanesa de Vigo.

Foi unha grata experiencia de convivencia intercultural.

A maioría dos presentes eran de nacionalidade romanesa e de cultura romaní, polo que a celebración tivo lugar en lingua romanesa.


  • -

Celebramos o Aninovo Chino

 

A nosa alumna Xaiolu Yang envíanos desde Shanghai unhas fotos das celebracións do Aninovo Chinés, coa chegada do Ano do Mono de Lume.

O ano 4714 da cronoloxía chinesa foi o ano que recibiron os chineses o 8 de febreiro do noso ano 2016, o ano do Mono de Lume, que terminará o 27 de xaneiro de 2017. Para entender algo máis da cronoloxía do calendario chinés hai que saber que a celebración do ano novo chinés comeza coa primeira lúa nova do primeiro día de ano novo e finaliza coa lúa chea. Para marcar ese primeiro día do ano novo

elíxese o día da lúa nova máis próximo ao día equidistante entre o Solsticio de Inverno e o Equinoccio de Primavera, no hemisferio Norte, xusto 45 días distantes entre un e outro aproximadamente, por iso é polo que nunca sexa o mesmo día de comezo de ano a diferenza do calendario Gregoriano, que sempre se celebra o Ano Novo o 01 de xaneiro. Con esta festividade dá por comezado un novo ano para aqueles países que se rexen polo calendario lunar.