Category Archives: Mediación

UN ÉXITO SEN PRECEDENTES

Vilaboa. 24 de xuño de 2014.  Celeste Gómez, a primeira alumna xitana de Vilaboa que titula en Secundaria Obrigatoria. 

Celeste

O curso académico 2013 – 2014 remata no CPI O Toural de Vilaboa cun éxito sen precedentes: a obtención do título de Educación Secundaria Obrigatoria por parte de Celeste Gómez, a primeira alumna xitana de Vilaboa que titula en Secundaria Obrigatoria. Deste modo, o CPI O Toural únese ao conxunto cada vez máis amplo de Centros Educativos da Comunidade Autónoma de Galicia onde o alumnado xitano consigue rematar con éxito os estudos obrigatorios.

Sen embargo, a maioría do alumnado xitano segue sen conseguir rematar os estudos obrigatorios: no ano 2007, só un 2% do alumnado xitano de Galicia lograba titular. Ademais, seguen a ser maioría os Centros Educativos que imparten Educación Secundaria Obrigatoria que non conseguen ningún tipo de éxito co alumnado xitano. Trátase especialmente de Centros Educativos de contornos urbanos ou de vilas onde a poboación xitana ten unha boa integración social. Por procedencia, son máis os xitanos de orixe castelá, especialmente o grupo coñecido como “zamoranos”, seguidos polos portugueses os que conseguen titular, estando os xitanos autóctonos en clara desvantaxe (sobre o colectivo procedente de Romanía, aínda carecemos de datos).

Desde este punto de vista que estamos a expoñer, o caso de Celeste Gómez presenta todos os trazos de desvantaxe social e cultural por procedencia: muller, de familia de xitanos galegos e de hábitat rural. Por iso ten unha maior relevancia o seu éxito académico, porque indica que co apoio da familia, do Centro Educativo e das Entidades de Iniciativa social, é posible rachar as barreiras que limitan a educación das persoas xitanas entre nós, e avanzar na normalización educativa.

Non debemos esquecer que existen tamén características individuais que fan posible este resultado: a intelixencia da persoa, a súa inserción no grupo de iguais, as súas expectativas vitais e a súa forza de vontade para marcarse metas e tratar de conseguilas. Non é posible replicar todas estas características individuais. Pero resulta posible propoñelas como exemplo de superación e de traballo, de forma que outras persoas xitanas teñan un referente positivo cando se trata de proxectar un futuro académico e profesional.


Finaliza o LdV Mobiliy Project 2014


Técnicos de servizos sociais de Romanía coñecen de primeira man os recursos de familia e inclusión da Xunta

Técnicos de servizos sociais de Romanía coñecen de primeira man os recursoXunta LdV Mobility Project 2014s de familia e inclusión da Xunta

A directora xeral de Familia e Inclusión, Amparo González, mantivo hoxe en Santiago unha xuntanza con profesionais técnicos deste país para explicarlles o funcionamento do sistema galego de servizos sociais

Mostroulles información do eido social desde o punto de vista normativo e da organización e integración dos servizos

Os técnicos romanos visitaron a vivenda para menores do programa Mentor en San Lázaro e a casa de familia ‘Arela’ de Conxo


COMEZA A SEGUNDA SEMANA DE TRABALLO DO PROXECTO PROFESSIONAL MOBILITY FOR SOCIAL MEDIATORS

FOANPAS

Durante a primeira semana de traballo, os profesionais romaneses coñeceron o Sistema de Servizos Sociais de Galicia, así como o sistema Educativo. Durante a segunda semana, achegaranse ao sistema sanitario e profundarán sobres Servizos Sociais e Educación. Unha visita institucional á Consellería de Traballo e Benestar o mércores, constitúe o punto central dos traballos.

VIGO, 25 DE MAIO DE 2014: Despois dunha xornada inaugural, celebrada o luns 19 na sede da Asociación Diversidades, o martes 20 o grupo de profesionais dos servizos sociais romaneses que participan no Mobility Project desprazáronse a Ferrol para coñecer o traballo de AGAMME contra os malos tratos infantís e para participar nunha xornada organizada polo Centro de Formación e Recursos do Profesorado de Ferrol, cuxo centro era un relatorio da Asociación Diversidades sobre os factores éxito educativo do alumnado xitano en Galicia. O mércores 21 puideron visitar Radio ECCA durante a mañá. Pola tarde foi a quenda para o Programa Na Rúa, da Fundación Juan Soñador. O xoves 22, da man de FOANPAS puideron visitar un Centro Educativo e coñeceron a experiencia dos comedores escolares xestionados polas ANPAS, ademais de participar nunha conferencia de formación para nais e pais. En Romanía non existen asociacións de Pais e Nais de alumnos nos Centros Educativos, polo que esta experiencia resulta en grao sumo enriquecedora. O venres 23 visitaron unha familia romanesa residente en Vigo e coñeceron o seu punto de vista sobre a situación social en Galicia e a súa perspectiva sobre a inclusión social.
O sábado 24, por cortesía da Concellería de Turismo do Concello de Vigo, gozaron dunha viaxe a Cíes.
A semana que resta de programa formativo está repleta de contidos, con visita o luns 26 ao Centro de Saúde de Teis, ao Centro de Emerxencias dás Mulleres de Vigo e a unha sesión de terapia con cans de nenos con dificultades de aprendizaxe. O martes 27 comezará cunha mañá de traballo coa experiencia pedagóxica Colexio Escultor Acuña, para achegarse aos problemas e as potencialidades de aprendizaxe das persoas xordas. Pola tarde, coñecerán a experiencia de AYUVI, dando soporte ás nais para o coidado e a crianza dos seus fillos e fillas.
O mércores 28 visitarán a Xunta de Galicia, onde serán recibidos por responsables da Consellería de Traballo e Benestar, co fin de obter unha visión panorámica dos Servizos Sociais en Galicia e especialmente da Atención a Menores en risco.
O xoves 29 será para o CPI O Toural de Vilaboa, onde a Asociación Diversidades desenvolve unha experiencia pioneira que pretende involucrar aos pais e nais do alumnado xitano na educación dos seus fillos.
A xornada do venres será de avaliación e permitirá pechar acordos de colaboración entre a Asociación Diversidades, e diferentes organizacións romanesas, públicas e privadas, ás que pertencen os profesionais desprazados a Vigo durante este quince días.


Relatorio no marco do proxecto Integrating Gypsy Travellers into our school

Relatorio en FerrolFerrol. 20 de maio de 2014. O proxecto Comenius “Integrating Gypsy Travellers into our school” liderado polo Concello de Cardiff, a través da súa concellería de Educación e a participación directa dun dos Centros Educativos da Cidade, ten como contraparte ao Centro de Formación e Recursos para o Profesorado de Ferrol, e aos Centros Educativos CEIP Plurilingüe San Xoán de Filgueira e ao CPR Plurilingüe santa Xoana de Lestonac.

O proxecto celebrou unha xornada de intercambio durante o luns 19 e o martes 20 de maio. Durante a xornada do martes, Belén Arranz e Santiago G. Avión, da Asociación Diversidades, presentaron un relatorio baseado en casos prácticos do CPI O Toural de Vilaboa, e centrado na descrición da tipoloxía de familias segundo a súa desmotivación, conflitividade ou orientación ao logro, o que moldea o tipo de resposta que os seus fillos desenvolven en relación á oferta educativa das institucións académicas.

Na xornada participaron tamén os profesionais do Leonardo da Vinci Mobility Project, que tiveron ocasión de coñecer de primeira man a formación do profesorado en España, así como os proxectos de intercambio que se realizan entre nós para a abordaxe das problemáticas educativas dos contextos interculturais. Este tipo de experiencias constitúe a razón de ser do programa de formación de competencias interculturais para profesionais dos servizos educativos e os servizos sociais.


UN GRUPO DE PROFESIONAIS DE SERVIZOS SOCIAIS ROMANESES VISITA GALICIA

A Asociación Diversidades recibirá un grupo de cinco profesionais que durante quince días coñecerán os sistemas de mediación intercultural.

Visita LdV Mobility Project 2014 - Foto Faro de Vigo

Foto Faro de Vigo

VIGO, 16 DE MAIO DE 2014: Un grupo de cinco profesionais de servizos sociais procedentes de Romanía visitará Vigo entre o 18 de maio e o 1 de xuño para coñecer os sistemas de mediación intercultural respecto da Educación, a Sanidade e os Servizos Sociais en Galicia. Por segundo ano consecutivo, a Asociación Diversidades, de Vigo, será a anfitrioa desta experiencia, en colaboración con Dual Smart de Brasov (Romanía). Este programa formativo denominado European training for social mediators (Formación europea para mediadores sociais) é un Programa de Mobilidade financiado pola Axencia do Programa Europeo Leonardo da Vinci.
Dentro do programa formativo inclúense visitas a Centros Escolares da cidade, FOANPAS, AYUVI, Radio ECCA, un Centro de Saúde, programa Na Rúa, o Centro de Emerxencias da Muller, AGAMME e CFR de Ferrol e a Consellería de Traballo e Benestar da Xunta de Galicia. O sábado 24 gozarán dunha viaxe a Cíes por cortesía da Concellería de Turismo do Concello de Vigo.
Con esta visita, a Asociación Diversidades, especializada en inclusión social da poboación romanesa en Vigo, pretende seguir creando lazos de solidariedade e de coñecemento profesional entre a nosa cidade e Romanía.


Obradoiros de diversidade cultural no IES Mugardos

O IES Mugardos foi hoxe o anfitrión duns obradoiros de interculturalidade que teñen por finalidade realizar un achegamento á cultura e á realidade xitana na nosa terra, partindo da experiencia cultural de cada quen, da valorización da propia experiencia como base para a valorización da experiencia allea. Os obradoiros desta mañá serviron tamén para traballar a empatía, a asertividade e a escoita activa, habilidades sociais imprescindibles para a convivencia e para o desenvolvemento persoal. Participou o alumnado de 1º e 2º da ESO, en dinámicas que tiñan como base os textos de Eduardo Galeano (El mundo patas arriba) e unha pintada nun muro dunha cidade, que nos lembra a interdependencia entre países e culturas na nosa vida cotiá.

Estes obradoiros terán continuidade o vindeiro 8 de abril, Día Internacional do Pobo Xitano, en que completaremos a xeira con estudantes de 3º de ESO e PCPI. Os obradoiros inclúen, ademais, unha sesión co profesorado en que traballaremos a continuidade da abordaxe da convivencia coa diversidade cultural.