Category Archives: Novas

Nova quenda do Curso de Introducción á Sociedade de Acollida

Vigo, 14/03/2018

O vindeiro 2 de abril e ata o 15 de xuño, celébrase unha nova quenda do Curso de Introducción á Sociedade de Acollida, pensado para facilitar o arraigo na nosa sociedade, o perfeccionamiento do coñecemento da lingua española e a posibilidade de preparar os exames de acceso á nacionalidade.


8 marzo

Diversidades Acolle únese á folga feminista

Mércores 7 Marzo 2018

Diversidades Acolle como membro de Red Acoge apoia a FOLGA FEMINISTA convocada para mañá, 8 de marzo, e unímonos á gran alianza internacional entre as mulleres para seguir loitando polos nosos dereitos.

As fronteiras xeran desigualdades e mantéñense grazas a políticas patriarcais, racistas e de dominio colonial, o que forza unha situación de vulnerabilidade dos dereitos das mulleres en contextos de migración e refuxio (tanto en país de orixe, como en tránsito, destino e retorno). Esta é unha cuestión central e transversal nesta folga feminista porque as violencias patriarcais afectar ás mulleres de forma diferente en función do noso status migratorio, a nosa idade, se somos racializadas, xitanas ou paias; trans, hetero, lesbianas.

Diversidades Acolle únese, igualmente, ao rexeitamento da violencia racista que sofren as mulleres migrantes, nas fronteiras externas e internas, nos CIEs, nas rúas, nos nosos lugares de traballo e nos nosos barrios e adhírese ás reivindicacións do Día Internacional da Muller porque:

  • Nos países de orixe, nos países de tránsito, nos campamentos onde esperan para cruzar o Mediterráneo, nos CIEs e no territorio español, vemos como se lles vulneran os seus dereitos máis elementais e son vítimas frecuentes de violencias e agresións sexuais.
  • As mulleres e nenas que se ven obrigadas a saír dos seus países por causas económicas, sociais e/ou conflitos armados, atópanse nunha situación de total desprotección legal, tanto nos países de orixe como nos de tránsito e acollida; isto aumenta o perigo, a violencia machista, a violencia sexual, explotación, trata e todo tipo de abusos.
  • As mulleres migrantes en situación administrativa irregular están especialmente desprotexidas fronte á violencia sexual, xa que a denuncia pode supor a apertura dun expediente sancionador de estranxeiría ou a detención para a expulsión.
  • As traballadoras do fogar, das que a maioría son mulleres inmigrantes, non se lles recoñece nin a importancia, nin a dignidade do seu traballo nin os dereitos laborais.
  • As mulleres migrantes en situación administrativa irregular non poden acceder á atención á saúde no sistema sanitario público, tendo unha importante repercusión nos dereitos sexuais e reprodutivos destas mulleres.
  • Porque as mulleres deciden sobre o seu propio corpo e como vestirse.

Rede Acolle únese á convocatoria da folga feminista e esixe:

  • O recoñecemento dos dereitos das mulleres en contextos migratorios sendo protagonistas e suxeitos políticos nos procesos de mobilidade humana.
  • A adopción das leis e políticas necesarias para garantir a seguridade e vida libre de violencias nas rutas migratorias, así como a eliminación das leis que limitan e gobernan a mobilidade e o dereito de autodeterminación das súas propias vidas.
  • O recoñecemento da violencia sexual e de xénero, a mutilación xenital feminina, trátaa, a esterilización forzada, aborto selectivo, o matrimonio forzado, os crimes de honra e a discriminación por sexo, como persecución e motivos válidos para a protección internacional.
  • A garantía de seguridade xurídica e protección ás mulleres inmigrantes en situación irregular administrativa cando denuncian violencia sexual, o que require modificar a lei de estranxeiría.
  • A aprobación do convenio 189 da OIT sobre as traballadoras de fogar.
  • A derrogación do Real Decreto 16/2012 que impide o acceso á atención sanitaria pública ás mulleres inmigrantes en situación administrativa.

Por todo isto, Rede Acolle esixe a plena igualdade de dereitos e condicións de vida para todas as mulleres no Día Internacional da Muller.

Xiaolu Name Meire


Curso de Actividades Auxiliares de Comercio

Actividades Auxiliares de ComercioO compromiso da Asociación é ofrecer unha segunda oportunidade educativa e formativa a persoas sen titulación, preferentemente inmigrantes e persoas en situación de Abandono Escolar Prematuro. En breve iniciaremos un curso de “Actividades Auxiliares de Comercio” destinado especialmente a xóvenes menores de 25 anos, co obxectivo de mellorar as súas posibilidades de inserción laboral e a adquisición de competencias básicas para o traballo.

O curso porase en marcha o próximo 2 de Abril con data de fin o 25 de Mayo. Realizarase en horario de mañán de 9.30h a 14.30h.

O curso terá o módulo transversal  MF1326_1 Preparación de pedidos, de 40 horas de duración, e todos os alumnos que realicen satisfactoriamente o curso terán a posibilidade de realizar prácticas non laborais en empresas, que constitúen o módulo obrigatorio de prácticas do Certificado de Profesionalidade (40 horas).

Desexamos que este curso poida ser de utilidade para mozas e mozos que non conten con certificados de estudos ou que lles interese iniciarse no sector servizos.


O Director Xeral de Inclusión visita Diversidades Acolle

Vigo, 26 de xaneiro 2018

O Director Xeral de Inclusión, Arturo Parrado, visita os proxectos de Inclusión Social da Asociación Diversidades Acolle

Arturo Parrado, Director Xeral de Inclusión Social

O Director Xeral de Inclusión Social da Consellería de Política Social , Arturo Parrado, acompañado polo Delegado da Xunta en Vigo, Ignacio López-Chaves e pola Xefa Territorial, Marta Iglesias Bueno, achegáronse esta mañá á sede Diversidades Acolle para interesarse polos proxectos da nosa Asociación, especialmente por aqueles que son financiados directamente a través da Orde de Inclusión Social. Puideron coñecer e saudar persoalmente aos participantes no proxecto BROS, ao alumnos do curso de Introdución á Sociedade de Acollida, así como comprobar de primeira man os resultados de inserción laboral e de regularización administrativa dos participantes nos itinerarios individualizados en nas accións de mediación.

No encontro estiveron presentes unha representación do voluntariado da Asociación e tamén a maior parte dos profesionais que integramos o equipo técnico, escusando a súa asistencia a nosa presidenta, Amparo Ramilo, por motivos laborais.

“Read More”

Fin de Curso Sociedade de Acollida 2016

Novo curso Introdución á Sociedade de Acollida

O vindeiro luns, 8 de xaneiro, en horario de 10:30 a 13:00 da mañá, de luns a venres, iniciamos de novo curso de INTRODUCIÓN Á SOCIEDADE DE ACOLLIDA.

Buscas arraigo na nosa sociedade de precisas unha formación que demostre os teus coñecementos? Preparas o acceso á nacionalidade española e queres perfeccionar as túas competencias en lingua e os teus coñecementos constitucionais da sociedade española? Esta é a túa oportunidade!!!

 

Datas:                                      8 de xaneiro – 23 de marzo de 2018

Horario:                                10:00 – 13:00 de luns a venres

Lugar de realización: Parroquia Sagrado Corazón de Xesús

R/ Rosalía de Castro 56, baixo (36201) Vigo

Esta acción formativa, financiada polo Fondo Social Europeo e a Consellería de Política Social, realizada en colaboración coa Parroquia do Sagrado Corazón de Xesús de Vigo, ten a dobre misión de ofrecer unha formación básica sobre a lingua española e sobre as normas, valores e usos culturais da  sociedade de Vigo, Galicia e España.

     

Chega o Nadal ao proxecto BROS


Finaliza el Curso de Sociedad de Acogida

El pasado 30 de Noviembre finalizó con éxitos el Curso de Sociedad de Acogida. Esta edición se caracterizó por el carisma de los/as participantes, por su disposición de aprender y su constante curiosidad y sobre todo la cohesión grupal que se generó entre los/as alumnos/as.  Gracias a cada uno/a de vosotros/a por hacer que nuestra labor tenga sentido y por permitirnos veros crecer como personas. Gracias a Miriam Cornejo, una profesora con vocación y espíritu de entrega.

El próximo Enero abriremos una nueva edición de Sociedad de Acogida.


ESCOLA DE FAMILIA MOSTEIRO

 O pasado martes tivemos o verdadeiro pracer de arrancar a Escola de Familia Mosteiro, un lugar  de paixón por facer que a ardua tarefa de educar aos fillos e fillas sexa coherente, repleta de sentido común e, o máis necesario, dos alentos, o agarimo e a aceptación incondicional.

Unha aula chea de nais, pais e profesores preocupados e ocupados por pasar de ensinar aos seus máis pequenos a EDUCAR con todas as letras e co corazón, porque educar aos nosos fillos e fillas é darlle as ferramentas que necesitan para que poidan sortear a vida e facer desta a máis plena que lles sexa posible. O martes achegámonos un pouquiño. Grazas á organización e a todos os pais e nais pola súa sensibilidade, inquietude e, sobre todo, por marcar a diferenza. 


17 de outubro Día Internacional contra a pobreza

Vigo. 17 de outubro

A pobreza afecta en España ao 22,3% das persoas que viven no noso país, segundo os últimos datos proporcionados polo INE sobre condicións de vida. Con todo, non afecta a todos os colectivos por igual. No caso dos estranxeiros comunitarios que viven en España máis do 40% vive en situación ou risco de pobreza cifra que aumenta no caso dos estranxeiros non comunitarios que sobe ata o 52%. O que equivale a que case una de cada dúas persoas inmigrantes procedentes de países non comunitarios está en risco de pobreza e/ou exclusión social en España.
A Asociación Diversidades Acolle, membro de Red Acoge, traballa con persoas inmigrantes e refuxiadas en risco de exclusión social e leva 26 anos defendendo os seus dereitos e traballando para que as persoas inmigrantes poidan acceder a unha inclusión real e poidan saír da pobreza. Debemos puntualizar que cando falamos de pobreza non debemos limitar o termo a unha cuestión meramente económica, senón ampliar a visión e entendela como a imposibilidade de cubrir as necesidades básicas para vivir con dignidade.
Pobreza LOS VULNERABLES ENTRE LOS VULNERABLES_


Unha excelente exposición e investigación sobre o abandono escolar prematuro e relacions familiares.

E por fin chegou o tan anhelado día!. Aquela nosa primeira alumna de prácticas de Socioloxía,  que un día entrou  pola porta para compartir connosco varios meses de traballo e aprendizaxe en común, cumpría o venres o desexo de rematar a súa carreira coa presentación do Traballo de Fin de Grao. Case como se non puidese ser doutro xeito, Antía abordou o tema do fracaso escolar temperán, explorando nos valores educativos , nas circunstancias propias destes rapaces e rapazas, nas súas realidades familiares a as percepcións que estas nais e fillos ou fillas teñen das actuacións do sistema educativo a respecto desta cuestión. Rematou a súa presentación coa felicitación das profesoras membros do Tribunal, que incidiron na pertinencia do tema tratado ( que non por máis coñecido estivese máis estudiado) e a súa abordaxe, e animárona a unha profundizaxe maior , que botase máis luz sobre este tema de ( tristemente) tan rabiosa actualidade. Parabéns Antía, e a seguir na brecha !!!!