Á espera dos resultados das probas de competencias clave

  • -

Á espera dos resultados das probas de competencias clave

Competencias - Clave

Competencias – Clave

O pasado sábado 24 de maio celebráronse en Silleda as probas correspondentes a 2014 de avaliación das competencias clave para acceder aos certificados de profesionalidade de nivel 2 e 3 de cualificación.

A Asociación Diversidades, despois do curso sobre competencias – clave celebrado no último trimestre de 2013 e no que participaran 15 persoas, decidiu emprender unha acción formativa para a preparación inmediata das probas deste ano 2014. Catro persoas participaron nesa acción entre os meses de marzo e maio, presentándose todas elas ás catro competencias – clave de nivel 2: Matemáticas, lingua española, lingua inglesa e lingua galega.

Para o desprazamento a Silleda (e para as accións de apoio) contamos coa inestimable colaboración dos Hermanos Misioneros de los Enfermos Pobres. Da súa sede de Teis saíu unha furgoneta que facilitou a realización da proba por parte do grupo.

O vindeiro venres, 6 de xuño, daranse a coñecer os resultados das probas. Desde a Asociación Diversidades desexamos o mellor resultado para a nosa xente.


  • -