Remata o curso de Lingua Española no Porriño
Category : Formación , Lingua Española , Novas , Sociedade de Acollida
O Porriño. 11 de xuño de 2019.
Este martes rematou o curso de lingua española para inmigrantes organizado pola Biblioteca Municipal do Porriño e impartido pola Asociación Diversidades. As participantes foron 14 mulleres marroquíes que aproveitaron para aprender a lingua e a cultura españolas e fixeron por darnos unhas nocións básicas de lingua árabe e cultura de Marrocos, incluíndo a celebración do xexún do mes de Ramadán e a festa do Eid al-Fitr.
Confiamos poder seguir afondando nesta dinámica de empoderamento das mulleres inmigrantes e de diálogo intercultural. Deica máis ver!
Este xoves, 31 de marzo, finalizou as súas prácticas do grao en Socioloxía a nosa compañeira Antía Barros. Durante estes dous meses, Antía contribuíu á creación de coñecemento social arredor das problemáticas dos adolescentes inmigrantes, especialmente os romaneses, na cidade de Vigo, colaborou activamente no desenvolvemento das actividades de sensibilización do proxecto Pregatirea Maine, achegouse ás problemáticas das mulleres inmigrantes, de persoas en situación de desemprego de longa duración e ás diferentes cuestións vinculadas coa residencia e o acceso á nacionalidade das persoas estranxeiras. Tamén realizou un importante achegamento á situación social e educativa da comunidade xitana en Galicia.
