Curso de formación de 50 horas de duración, destinado a persoas migrantes que:
- Necesitan demostrar esforzo de integración para a regularización da súa situación por arraigo social.
- Queren realizar con éxito os exames de nacionalidade, incluíndo os contidos de ccse e español A2.
Ambos colectivos de destinatarios conviven no mesmo curso, aínda que os obxectivos a acadar para cada participante son diferentes segundo o seu perfil.
A metade das horas lectivas destínanse a mellorar a comunicación en lingua española (resulta imprescindible un nivel suficiente de lectura e escritura, mesmo en linguas diferentes das nosas) e a outra metade ao coñecemento da realidade do país, incluíndo a cultura, a organización política e administrativa e os valores que regulan a convivencia, incluíndo a paridade entre mulleres e homes, contando cun módulo específico e cunha perspectiva transversal de xénero en toda a estratexia didáctica.
Data de comezo: 3/11/2025
Data de fin: 25/11/2025
